Papo Benedikto la 16a

 

07.07.2005 - Post la teruraj atencoj en Londono

 

BARBARAJ AGOJ KONTRAŬ LA HOMARO

 

Benedikto la 16a tiel kondamnis la terorismajn atencojn, kiuj skuis Londonon, en telegramo al kardinalo Murphy O’Connor, ĉefepiskopo de Westminster. La Papo esprimis spiritan proksimecon al la viktimoj de terorismo.

 

Profunda doloro kaj spirita proksimeco al la viktimoj de la malhumanaj terorismaj atencoj, kiuj renversis Londonon estas la sentoj esprimitaj de Benedikto la 16a per telegramo sendita al la ĉefepiskopo de Westminster, kardinalo Cormac Murphy O’Connor.

En la telegramo, subskribita de la kardinalo ŝtatsekretario Angelo Sodano, oni legas, ke “la Papo eksciis kun doloro la informon pri la terorismaj agoj plenumitaj en la centro de Londono kaj, dum li kondamnas tiujn barbarajn agojn kontraŭ la homaro”, li petas al kardinalo O’Connor esprimi al la parencoj de la viktimoj sian spiritan proksimecon dum ĉi tiu momento de doloro.

Benedikto la 16a preĝalvokis, fine, sur la popolo de Britio la konsolon, kiun nur la Sinjoro povas proponi en tiaj cirkonstancoj.

Post tuja sciigo al li, fare de liaj plej proksimaj kunlaborantoj, pri la gravegaj atencoj en Londono, Benedikto la 16a enmemiĝis en preĝado en sia privata kapelo.