Papo Benedikto la 16a

12.06.2005 - Je la Anĝelusa Preĝo

LA PAPO FAROS KATEKIZADON
AL LA INFANOJ PRI LA EŬKARISTIO

Ĝin anoncis hodiaŭ matene Benedikto la 16a mem antaŭ la Anĝeluso el la fenestro de sia privata kabineto. La rendevuo estas por la venonta 15a de oktobro, kiam la Papo renkontos la infanojn kaj geknabojn de Romo kaj de ĝia regiono.

 

   

 

Karaj Fratoj kaj Fratinoj!

 

Daŭras la Jaro de la Eŭkaristio, kiun volis la amata Papo Johano Paŭlo la 2a por pli kaj pli reveki en la konsciencoj de la kredantoj la miron rilate al tiu granda Sakramento. En ĉi ti aparta eŭkaristia tempo, unu el la daŭre aperantaj temoj estas tiu de la Dimanĉo, la Tago de la Sinjoro, temo kiu estis je la centro de la ĵusdata itala Eŭkaristia Kongreso, okazinta en Bari. Dum la ferma Celebro, ankaŭ mi substrekis kiel la partopreno en la dimanĉa Meso devas esti sentata de la kristano ne kiel altrudo aŭ pezo, sed kiel bezono kaj ĝojo. Kune ariĝi kun la gefratoj, aŭskulti la Parolon de Dio kaj nutri sin el Kristo, oferita por ni, estas sperto, kiu donas signifon al la vivo, kiu verŝas pacon en la koron. Sen la dimanĉo ni kristanoj ne povas vivi.

 

Pro tio la gepatroj estas vokataj malkovrigi al siaj gefiloj la valoron kaj gravecon de la respondo al la invito de Kristo, kiu kunvokas la tutan kristanan familion al la dimanĉa Meso. En tiu eduka irado, etapo des pli signifa estas la Unua Komunio, vera festo por la paroĥa komunumo, kiu akceptas por la unua fojo siajn pli malgrandajn gefilojn en la Bankedo de la Sinjoro. Por substreki la gravecon de tiu evento por la familio kaj por la paroĥo, la venontan 15an de oktobro, se plaĉos al Dio, mi faros en Vatikano specialan renkonton de katekizado kun la infanoj, aparte de Romo kaj regiono Latio, kiuj dum la nuna jaro ricevis la Unuan Komunion. Ĉi tiu festanta kunveno okazos preskaŭ je la fino de la Jaro de la Eŭkaristio, dum okazos la ordinara Kunveno de la Sinodo de la Episkopoj, dediĉita al la eŭkaristia mistero. Ĝi estos taŭga kaj bela okazo por redeklari la esencan rolon kiun la Sakramento de la Eŭkaristio havas por la edukado kaj spirita kresko de la infanoj.

Mi konfidas jam ekde nun ĉi tiun renkonton al la Virgulino Maria, por ke Ŝi instruu al ni pli kaj pli ami Jesuon en la konstanta medito pri lia Parolo kaj per la adorado de lia eŭkaristia ĉeesto, kaj nin helpu malkovrigi al la junaj generacioj la “valorriĉan perlon” de la Eŭkaristio, kiu donas veran kaj plenan signifon al la vivo.

 

Post la Anĝeluso

(itale) Saluto i donatori di sangue del mondo intero, in particolare quelli presenti oggi in Piazza San Pietro, venuti in occasione della Giornata Mondiale del Donatore di Sangue, che ricorrerà dopodomani. Cari fratelli, so che avete partecipato alla santa Messa presieduta dal Cardinale Lozano Barragán, Presidente del Pontificio Consiglio della Salute. Cristo, che ci ha redenti con il suo Sangue, sia sempre il modello del vostro volontariato.

 

(hispane) Saludo cordialmente a los peregrinos de lengua española, de modo particular a los del Colegio San José de Reus y a los de las parroquias de Nuestra Señora del Carmen de Játiva y Valencia. Os exhorto con las mismas palabras de Jesús en el Evangelio de hoy: "Id y proclamad que el Reino de Cielos está cerca". ¡Qué Dios os bendiga!

 

(slovene) Z veseljem pozdravljam romarje iz Preddvora v Sloveniji. Romanje na grob zavetnika vaše župnije naj poživi vašo vero in zvestobo evangeliju!

 

(itale) Saluto i pellegrini di lingua italiana, in particolare i fedeli provenienti da Terni, Lodi, Pantigliate, Pergo di Cortona, Mirteto, Roma, Ruvo di Puglia, Leverano, Gioia Sannitica, Napoli, Bellizzi, Palau e Macomer, Catania e dalla diocesi di Ariano Irpino-Lacedonia. Saluto, inoltre, gli anziani della Comunità di Sant’Egidio, i bambini e gli insegnanti delle scuole di Nerviano e di San Benedetto del Tronto, la Banda musicale di Gallipoli e il Coro "Laurentianum" di Lizzanello.

 

Mi bondeziras al ĉiuj bonan dimanĉon