Pastro Felice Ruaro, Diamanta Jubileo
Teatro de Costermano, unua de junio 2003. La paroĥestro de Costermano (centre) kun la jubileantoj Pastro Felice Ruaro (dekstre) kaj Pastro Aldo, kiuj ricevis de li donacon en la teatro post la solena Meso.
Pastro Felice Ruaro naskiĝis la 24an de decembro 1920 (pro tio lia kompleta nomo estas Felice Natale - en esperanto: feliĉa Kristnasko). Li sacerdotiĝis la 27an de junio 1943: li estis tre juna ĉar tiam la teologiaj studoj daŭris kvar jarojn (nun ses).
Dum multaj jaroj li estis kapelano de la tombejo de la germanaj soldatoj en Costermano (Verono).
Li estis redaktoro de Espero Katolika dum 7 jaroj (1970-1977).
La gravan Jubileon oni solenis la unuan de junio, kiam oni festis ankaŭ la naskiĝdatrevenon de lia fratino. (en la suba foto estas pastro Ruaro kun sia fratino kaj germano vizitanta ilin).
