al 19-a Ekumena E-Kongreso en Wrocław ("Breslau"),
Pollando.
Vroclavo estas unu el la plej grandaj kaj
belaj urboj de Pollando. La kongresejo estos la Porpastra Alta Seminario,
kiu situas en Ostrów Tumski kaj najbaras kun la Katedralo de Sankta Johano
Baptisto.
Jam en la 9-a jarcento ekzistis sur insulo fortikigita
princa kastelo kun vasta suburbo inter la branĉoj de rivero Odra. En la
11a jarcento, kiam oni starigis episkopejon en Vroclavo, la kastelon oni
transigis al la maldekstra bordo de la rivero.
Malantaŭ la kastelo oni konstruis dum la 14-a ĝis la 16-a
jc. multajn ekleziajn domojn: preĝejojn, episkopan palacon, ktp.
Proksime troviĝas botanika ĝardeno, tie kie
iam estis la urbaj fortikaĵoj, nun forigitaj.
Ostrów Tumski ĉesis ekzisti kiel insulo en
la 19-a jarcento, kiam oni superŝutis la malnovan fluejon de la rivero
Odra. La hodiaŭa Ostrów Tumski estas unu el multaj turismaj allogaĵoj de
la urbo. Promenante oni spertas la etoson de la pasinteco kaj oni povas
travivi la ĉarmon de tiu ĉi heredaĵo.
La vroclavanoj estas homoj toleremaj.
Dekomence en Vroclavo ekloĝis homoj de diversaj landoj, apartenantaj al
diversaj religioj. Pace kunvivis katolikoj, ortodoksuloj, judoj kaj
protestantoj. Tiel estas ĝis hodiaŭ.
En Vroclavo ekzistas ‘‘Dzielnica Czterech
Świątyń’’ (kvartalo de kvar sanktejoj). La
urbo estas vere ekumena. Ĝi estas nomata "la urbo de renkontiĝo".
Ni kore invitas vin aliĝi al nia 19a EEK
en Wrocław, Pollando, 2009
Philippe COUSSON kaj Miloslav ŠVÁČEK, prezidantoj de
KELI kaj IKUE,
kaj Teresa POMORSKA, membro de la LKK.
fotoj ricevitaj deTereza Pomorska. Dankon al Marija Belošević, kiu
transdonis ilin.
