16a Ekumena E-kongreso 2003

Saluto de mons-ro Amédée Grab,
prezidanto de la Konsilio 
de la Episkoparaj Konferencoj de Eŭropo

La teksto en la itala lingvo diras:

Karaj Kongresanoj

Mi ĝojas povi sendi al vi saluton komence de viaj laboroj pri la temo “Vi estos miaj atestantoj, salo kaj lumo por la mondo”.

Sub la lumo de mia sperto kiel prezidanto de la konsilio de la eŭropaj episkoparaj konferencoj, mi konscias, ke la unua kontribuo je ekumenismo kuŝas ĝuste en la fakto ke oni renkontiĝas: el renkonto naskiĝas la kono, la konscio pri sia identico, la kuraĝigo por renovigita devontigo kaj povas okazi interŝanĝo de donacoj inter la diversecoj. Pro tio mi petas al la Spirito, ke la nunaj tagoj marku antaŭenpaŝon en kunlaboro kaj kunuleco inter katolikaj kaj protestantaj esperantistoj, por ke ĉi tiu kunlaboro alportu fruktojn por Eŭropo.

Ni troviĝas en momento delikata kaj pasioplena por la historio de nia kontinento kaj de la tuta homaro, plena je projektoj por la estonteco, kiel la proceso por la Konstitucia Traktato, kaj kun profundaj streĉitecoj, kiel la tragedio de Mezoriento. Ŝajnas al mi, ke tio ĉi postulas de ĉiu el ni aldonan respondecon por kontribui al estonteco de paco por nia mondo kaj, kiel kristanoj, aldonan spiritualecon, por ke la mesaĝo de la Evangelio daŭre estu aŭdebla en niaj stratoj.

Plurfoje mi havis la okazon aŭskulti, el politikistoj kaj funkciuloj, ke malgraŭ la fakto, ke ekzistas institucia projekto por la estonto de nia kontinento, mankas tio, kion oni ofte difinas “la animo de Eŭropo”; mankas sonĝo, globala vizio.

Mi petdeziras ke ĉi tiuj tagoj de laboro povu konduki vin identigi la specifan manieron por ke vi povu kontribui en la konstruo de nia kontinento, kaj esti salo kaj lumo por la mondo.

Mi konfidas al la Patro de la ĉieloj ĉiun momenton de via kongreso.  

Amédée Grab, 

episkopo de Coira,