Celoj de IKUE:

• - per Esperanto plenumi la ordonon de Jesuo Kristo: "Iru en la tutan mondon kaj prediku la evangelion al ĉiu kreitaĵo" ;

• - montri la unuecon de la Eklezio uzante la internacian lingvon;

• - kontribui al realigo de la homaj interkompreno, frateco kaj paco;

• - strebi "por ke ĉiuj estu unu".

Agado:

IKUE kunlaboras kun la Universala Esperanto Asocio kaj ankaŭ havas riĉajn ekumenajn kontaktojn. Ĝi laboras man-en-mane kun fratina organizaĵo Kristana Esperantista Ligo Internacia (KELI), kiu grupigas antaŭĉie evangelianajn kristanojn.

Altan protekton de IKUE transprenis ĉefepiskopo de Prago Miloslav Kardinalo Vlk, la Prezidanto de la Konsilantaro de Eŭropaj Episkopaj Konferencoj, kiu mem estas esperantisto.

Preskaŭ ĉiujare IKUE aranĝas katolikajn aŭ ekumenajn kongresojn. Okaze de diversaj renkontoj oni celebras Diservojn en Esperanto, kiun rekonis Sankta Seĝo kiel liturgian lingvon.

Adreso de IKUE:

Landaj reprezentantoj de IKUE:

Nomojn kaj adresojn de Landaj reprezentantoj vi trovas ĉi tie.