KIEL TRAPREĜI LA ROZARION

La kompleta Rozario entenas 20 misterojn (aŭ “dekojn”). Ĝi estas dividita en kvar partojn; en ĉiu parto oni meditas kvin misterojn. La dekoj povas esti disigitaj, kondiĉe ke oni kompletigu la kronon en la sama tago.

Kiam oni ne trapreĝas la tutan Rozarion, oni povas preĝi nur unu kronon kun grupo de misteroj.

 1. Krucsigno sur la krucifikso kaj komenca Alvoko:

En la nomo de la Patro, kaj de la Filo, kaj de la Sankta Spirito.

Amen.

Estas diversaj, laŭ la nuna praktiko, la manieroj por komenci la Rozarion en la diversaj ekleziaj kuntekstoj. En kelkaj regionoj oni kutimas komenci per la alvoko de la Psalmo 69:

“Ho Dio venu savi min”.

“Sinjoro venu rapide helpi min”.

Aliloke oni komencas per la Kredo (Apostola Kredkonfeso)

Mi kredas je Dio, la Patro ĉiopova, la Kreinto de la ĉielo kaj de la tero; kaj je Jesuo Kristo, lia unusola Filo, nia Sinjoro, kiu estis koncipita de la Sankta Spirito, naskiĝis el Virgulino Maria, suferis sub Poncio Pilato kaj estis krucumita, mortis kaj estis entombigita; Li descendis al la infero, la trian tagon Li reviviĝis, ascendis en la ĉielon, eksidis ĉe la dekstro de Dio, la Patro ĉiopova, de kie Li revenos por juĝi la vivantojn kaj la mortintojn. Mi kredas je la Sankta Spirito, je la sankta katolika Eklezio, je la unueco de la sanktuloj, je la pardono de la pekoj, je la reviviĝo de la korpoj, je la eterna vivo. Amen.

Sur la 5 globetoj kiuj unuigas la kruceton kun la krono:

2. Unu “Patro Nia” sur la unua granda globeto.

Patro Nia, kiu estas en la ĉielo, sanktigata estu via nomo. Venu via Regno. Fariĝu via volo, kiel en la ĉielo tiel ankaŭ sur la tero. Nian panon ĉiutagan donu al ni hodiaŭ kaj pardonu al ni niajn ŝuldojn, kiel ankaŭ ni pardonas al niaj ŝuldantoj. Kaj ne konduku nin en tenton, sed liberigu nin de la malbono. Amen.

3.  Po unu “Saluton, Maria” sur ĉiu el la tri malgrandaj globetoj, por la fido, la espero kaj la karitato.

Saluton, Maria, gracoplena, la Sinjoro estas kun Vi. Benata Vi estas inter la virinoj kaj benata estas la frukto de via sino, Jesuo. Sankta Maria, Dipatrino, preĝu por ni pekuloj nun kaj en la horo de nia morto. Amen.

4. “Gloro al la Patro” sur la posta granda globeto.

Gloro al la Patro, kaj al la Filo, kaj al la Sankta Spirito,kiel estis en la komenco,kaj nun kaj ĉiam, kaj en ĉiuj jarcentoj. Amen.

5.  La preĝo de Fatimo “Ho Jesuo” sur la granda globeto.

Ho Jesuo, pardonu al ni niajn pekojn, gardu nin kontraŭ la infera fajro, konduku ĉiujn animojn en la ĉielon, precipe tiujn, kiuj plej multe bezonas vian kompaton.

(La Madono en Fatimo, 13an de julio 1917).

Sur la krono:

6a.       Eldiro de la Mistero sur la  granda  globeto

Oni legas taŭgan biblian kaj edifan tekston. Oni faras mallongan paŭzon por mediti la celebratan Misteron.

La Misteroj de la Rozario estas:

ĜOJAJ, lunde kaj sabate

- La anonco de la Anĝelo al la Virgulino Maria

- Vizito de Maria al Elizabeto

- La naskiĝo de la Infano Jesuo en Betlehemo

- La Infano Jesuo prezentita ĉe la Templo

- Jesuo retrovita en la Templo meze de la instruistoj

DOLORAJ, marde kaj vendrede

- La preĝado kaj la agonio de Jesuo en la Olivarba ĝardeno

- La kruela skurĝado de Jesuo ĉe la kolono

- Jesuo kronita per tre pikantaj dornoj

- Dolorplena vojaĝo de Jesuo al Kalvario

- Krucumo kaj morto de Jesuo sur la kruco.

GLORAJ, merkrede kaj dimanĉe

- Resurekto de Nia Sinjoro Jesuo Kristo el la morto

- Ĉieleniro de Nia Sinjoro Jesuo Kristo

- Descendo de la Sankta Spirito sur la Apostolojn kaj Marian en la Vespermanĝejo

- Ĉielenpreno de la Virgulino Maria

- Kronado de la Beata Virgulino Maria Reĝino de la Ĉielo kaj de la Tero.

de la LUMO, ĵaŭde

- La Bapto de Nia Sinjoro Jesuo Kristo ĉe Jordano

- La nupto en Kano

- Jesuo anoncas la Regnon de Dio kaj invitas al konvertiĝo

- La Transfiguriĝo de Nia Sinjoro Jesuo Kristo sur Monto Tabor

- La starigo de la Eŭkaristio.

La laŭtaga medito de la misteroj ne konsistigas limigon de la persona kaj komunuma meditado.  Spiritaj kaj paŝtistaj postuloj - kaj ĉefe liturgiaj koincidoj - povas proponi taŭgajn adaptigojn. Tio kio vere gravas estas, ke la Rozario estu pli kaj pli konceptata kaj travivata kiel kontemplada itinero.

6b. kaj “Patro Nia”

7. “Saluton, Maria” sur ĉiu el la postaj 10 malgrandaj globetoj de la krono.

8. Post ĉiu deka “Saluton, Maria”, oni preĝas la “Gloro al la Patro” kaj la preĝon de Fatimo “Ho Jesuo”.

Poste oni daŭrigas kiel depost numero 6, por ĉiuj aliaj misteroj.

9. Je la fino de la Rozario oni preĝas la “Saluton, Reĝino” kaj fine oni faras la Krucosignon.

Saluton, Reĝino, kompatema Patrino: nia vivo, nia ĝojo kaj nia espero, saluton! Al Vi ni vokas, ekzilitaj filoj de Eva. Vin ni petegas, ĝemante kaj plorante en ĉi tiu larmo-valo. Pro tio do, nia Perantino, rigardu al ni per viaj tiel kompataj okuloj. Kaj montru al ni post ĉi tiu ekzilo Jesuon, la benatan frukton de via sino. Ho milda, ho pia, ho dolĉa Virgulino Maria. Preĝu por ni, Sankta Dipatrino, por ke ni meritu la promesojn de Kristo. Amen.

La Rozario povas daŭri per la Loretanaj Litanioj.

Sinjoro, kompatu nin,    Sinjoro, kompatu nin

Kristo, kompatu nin,     Kristo, kompatu nin

Sinjoro, kompatu nin,    Sinjoro, kompatu nin

Kristo, aŭdu nin,           Kristo, aŭdu nin

Kristo, elaŭdu nin,                     Kristo, elaŭdu nin

Patro elĉiela, Dio,                      kompatu nin

Filo, elaĉetanto de la mondo, Dio, kompatu nin

Sankta Spirito, Dio,                   kompatu nin

Sankta Triunuo, unu Dio,           kompatu nin

Sankta Maria,                   preĝu por ni

Sankta Patrino de Dio,              "

Sankta Virgulino de virgulinoj,    "

Patrino de Kristo,                      "

Patrino de la Eklezio,                "

Patrino de la dia graco,             "

Patrino tre pura,                        "

Patrino tre ĉasta,                      "

Patrino ĉiam virga,                    "

Patrino senmakula,                   "

Patrino aminda,                        "

Patrino admirinda,                     "

Patrino de la bona konsilo,         "

Patrino de la Kreanto,               "

Patrino de la Savanto,               "

Virgulino tre prudenta,               "

Virgulino respektinda,               "

Virgulino prikantinda,                "

Virgulino potenca,                     "

Virgulino milda,                        "

Virgulino fidela,                        "

Spegulo de justeco,                   "

Sidejo de saĝeco,                      "

Kaŭzo de nia ĝojo,                    "

Templo de la Sankta Spirito,      "

Tabernaklo de la eterna gloro,   "

Loĝejo konsekrita al Dio,           "

Rozo mistika,                            "

Turo Davida,                            "

Turo ebura,                              "

Domo ora,                                "

Arkeo de l’ alianco,                   "

Pordo ĉiela,                              "

Stelo matena,                           "

Savo de malsanuloj,                  "

Rifuĝo de la pekuloj,                 "

Konsolantino de la afliktitoj,       "

Helpo de la kristanoj,                "

Reĝino de la anĝeloj,                 "

Reĝino de la patriarkoj,              "

Reĝino de la profetoj,                "

Reĝino de la apostoloj,               "

Reĝino de la martiroj,                "

Reĝino de la konfesantoj,           "

Reĝino de la virgulinoj,              "

Reĝino de ĉiuj sanktuloj,            "

Reĝino sen la origina makulo

            koncipita,                      "

Reĝino ĉielenprenita,                 "

Reĝino de la Sankta Rozario      "

Reĝino de la familio,                 "

Reĝino de la paco,                    "

ŜAFIDO DE DIO, kiu forigas la pekojn de l’ mondo,    indulgu nin.

ŜAFIDO DE DIO, kiu forigas la pekojn de l’ mondo,    elaŭdu nin,

ŜAFIDO DE DIO, kiu forigas la pekojn de l’ mondo,    kompatu nin.

Preĝu por ni,  ho Sankta Dipatrino
Ke ni fariĝu indaj pri la promesoj de Kristo.

Fina Preĝo.

Ni preĝu: Dio, via unusola Filo al ni per sia vivo, morto kaj resurekto akirigis eternan savon. Donu al ni, ni petas, kiam ni en la Sankta Rozario de la beata Virgulino Maria pri ĉi tiuj misteroj meditas, ke ni laŭ ili ankaŭ vivu kaj atingu tion, kion ili promesas. Per Kristo, nia Sinjoro. Amen.

10. Oni povas ankaŭ aldoni po unu “Patro Nia”, “Saluton, Maria”, “Gloro al la Patro” laŭ la intencoj de la Papo, la agon de sinkonsekro al la Senmakula Koro de Maria, kaj la preĝon por la mortintoj.

Ripozon eternan donu al ili, Sinjoro, kaj la senfina lumo lumu al ili. Ili ripozu en paco. Amen.